Lewat Youtube Pak Kaban Menehi Kado Spesial Lebaran

PURWOREJO - Proses usulan lan penerbitan Surat Keputusan Kenaikan pangkat periode April tahun iki alhamdulillah lancar goncar lan bisa ditampa dening PNS sing wes diusulke sak durunge TMT utawa terhitung mulai tanggal yaiku 1 April 2025. Kepala BKPSDM Kabupaten Purworejo, Agung WIbowo, A.P., M.M lewat channel youtube BKPSDM Purworejo Official nyampekno pidato sing rilis nalika Jumat (28/3). Miturut data saka salah sijining petugas sik ngayah-ngayahi urusan kenaikan pangkat yaiku Rina Kusumawati, usulan KP Periode April 2025 sing diinput ing aplikasi SIASN jumlahe 394 usulan sing kapontho dadi 3 jenis usulan yaiku KP Golongan IV/c keatas 8 usulan, KP Golongan IV/a - IV/b 70 usulan lan KP Golongan III/d kebawah 316 usulan. Saka jumlah semono akeh e ora kabeh dadi SK, amarga jenenge proses mesthi ono pemeriksaan utawa pengecekan utawa istilah keren e validasi seko BKN. Mula saka jumlah 394 usulan kuwi mau mung 378 usulan sing bisa lanjut nganti proses penerbitan SK. Turahe yaiku 16 usulan keterangan BTS lan 2 TMS. Ing sakjroning pidato rilisan SK KP Periode 1 April 2025, Kepala BKPSDM uga menehi peweling marang admin perangkat daerah sing diwenehi kewenangan bisa ngusulke inpit usul kenaikan pangkat SIASN supaya ing periode KP Juni 2025 bisa tepat waktu lan sesuai jadwal kang wes ditentokno saka BKN. Ojo nglantur-nglantur ndak malah keblintur mergo usulan saben-saben periode ora bakal bisa mundur. Ing pungkasane pidatone, Kepala BKPSDM uga ora kelalen menehi selamat kanggo PNS sing nampa SK KP mau, lan ngelingne yen Kenaikan Pangkat iku dudu hak kanggo PNS tapi penghargaan, dadi misal periode iki kepeksane durung bisa KP ya kudu sabar nunggu periode sak lebar e utawa nunggu syarate sesuai aturan kang berlaku.

Video Terkait: