ASN Kudu Netral Bolo!!!

Sedulur ASN Purworejo...

Ora krasa ya sedela maning uwis pemilu. Kari nunggu itungan dina maning sik suwene isih suwe wektune wedhus meteng daripada nunggu wektune pemilu. Kira-kira rika uwis duwe pilihan apa hurung kiye? Kene tak elingna ben rika ora kenek kasus pelanggaran netralitas ASN. ASN kwi kudu netral, ora kena nuduhna arep milih sapa nang wong liyan. Ora kena koar-koar rika arep milih sapa, apa maning ngarahke sepada-pada kon milih salah sijining calon. Masang potone calon, masang gendera partai yo ora kena. Apa maning rika melu kampanye. Apa maning rika dadi pengisi acara kampanye. Nek kedadean kaya kuwi, urusane rika dawa bisa nganti kena hukuman disiplin.

Iki maneh sik nggarai rawan. Ati-ati nek rika dolanan sosmed kaya yutup, instagram, pesbuk, twiter lan liya-liyane. Rika konangan like, komen lan share bisa dikasusna. Ati-ati uga nek posting poto apa pidio nang sosmed, aja nganti rika ngacung-ngacungna driji sik kaya wong kampanye kae, amarga nek ana sik rak seneng rika uga bisa dikasusna.

Dadi umpama rika arepan poto ya sementara sik biasa-biasa bae lah, kayata ngapurancang, tangan dilebokna sak, sedakep lan nggegem. Ngegem tapi aja njotos kancane. Nek kaya kuwe rika ya bisa dicekel pak pulisi.

Iwak gurameh, Digoreng lan dibakar banjur dipangan kanthi santai.

Ayo sedulur kabeh, Wujudna pesta demokrasi sing aman lan damai.